Sino si Muhammad?

si Mohammad sallahu alayhi wa sallam ay isinilang sa lungsod ng Makkah (o Becca sa bibliya) isang kilalang lungdod ng Saudi Arabia sa kasalukuyan. Siya ay pinili ng Allah bilang huwaran ng sangkatauhan. Siya ang panghuling sugo at propeta ng Allah at ang kanyang mensahe ay para sa sangatauhan. Siya ay hindi marunong sumulat at bumasa. Siya ay kilala bilang mabait, mapagkumbaba, matulungin, matapat at mapagkakatiwalaang tao sa kanyang pook sa Makkah. Kaya naman siya ay tinaguriaang Al-amiyn(ang mapagkakatiwalaan). Noong siya ay apatnapung taong gulang, siya ay hinirang ng Allah bilang panghuling Propeta at dito rin nagsimulang ipahayag sa kanya ang hulig kapahayagan ng Allah- ang Banal na Qur’an. Siya ay namatay sa gulang na animnapu’t tatlo, siya ay inilibing sa Madinah na ngayon ay isang lungsod ng Saudi Arabia. marami pang sugo at propeta ang nauna pa sa kanya, sinabi ng Allah: "At sa bawa’t pamayanan ay [may] isang sugo; kaya kapag ang kanilang sugo ay dumating, [anumang bagay] ay hapan sa kanilang pagitan nang makatarungan, at sila ay hindi gagawan ng kamalian." [Quran 10:47]